Arrangementskalender

<< Des 2014 >>
MTWTFSS
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Kva skjer?

Logo

Arkiv

desember 2014
må. ty. on. to. fr. la. su.
« nov    
1234567
891011121314
15161718192021
22232425262728
293031  
logo-gsi

Øvesetter

4444 trappetrinn

Vinter på Ljosland

image002 Av Gunvor Ljosland: Frå Ljosland kan me melde om at me er klare for sesongstart fyrstkomane sundag kl.11! Kor mange trasèar som blir opne avhenger av kor mykje snø som kjem dei neste dagane, men det ser lovande ut. Skiløyper er også på plass, og me er klare for å ta imot vinteryre skientusiastar også denne sesongen! I jola er åpningstidene frå kl.11-16 fom. 21.des-4.-jan (stengt 24.-25.des). Nissen kjem sjølvsagt innom oss i år også, det blir slalomrenn for dei minste, «alpinsti» og afterski for både vaksne og born.  Årets Fakkelrenn i romjola blir sundag 29.desember og den 30.desember tjuvstartar me nyttårsfeiringa med Afterski med song og musikk av guten frå Vigeland, Anders Støle Fidje også kjend som «Andy the candy».

Ein krevjande kveld for tøffe gutar

Kursleiar Terje Refsnes. ( foto: moisund.com )

Kursleiar Terje Refsnes. Engasjert, tydeleg – og talefør.( foto: moisund.com )

Kvar einaste onsdagskveld samlast 20 veltrente, velfødde og velvaksne  menn til styrketrening og intervalltrening i gymnastikksalen på Evje skule. Hovudtrenar er den tidlegare lensmannsdrengen Harald Kleggetveit. Sist onsdag var gjengen samla til joleavslutning på «kinarestaurangen» på Verksmoen. Eit av mange sosiale høgdepunkt for den humørfyllde trimgjengen. Tysdag denne veka vart det skipa til fyrstehjelpskurs  og livredningskurs. Kursleiar var den særs taleføre evjeguten Terje Refsnes. Etter eit kraftig måltid med pizza, og tilhøyrande alkoholfri drikke, fekk gutane opplæring i å bruke elektrisk hjartestartar – og dei fekk øve seg i å blåse luft i ei halvnaken plastdokke som var både medvitslaus og utan naudsynt hjarterytme. Det vart etter kvart mange sterke scener i klasseromet på Evje skule. Les meir»

Då Jesus vitja Byremo

Ein fattig skomakar i ein liten russisk by – for lenge sidan. Natt til julaften drøymer han at Jesus skal kome på vitjing dagen etter. Papa Panov venter og venter. Det eineste han fær vitjing av av er fattige barn, ei enke med ein baby, ein lommetjuv og ein del småungar som er ute og leiker. Les meir.

Vart heidra av idrottslaget

LislevandKven hadde trudd at denne lange, kronglute og vindskeive lekamen nokon gong skulle verte heidra som ein av dei største idrottsmennene i Evje & Hornnes. No he det altså skjedd. Heidersmannen, skogsarbeidaren og bedriftsleiaren Svein Salve Lislevand vart denne veka heidra av Otra IL. Med velvalde ord frå idrottskrinsen – og med fargerik diplom på glansa papir vart Lislevand heidra på sin eigen heimebane. I Otrahallen på Hornnes. Mannen som aldri hadde hadde vore i nærleiken av ei sveitt treningstrøye før han fyllde  42 år vert no trekt fram som den mest lovande idrottsmannen i heimbygda, i nyare tid. Heidersteiknet vert feira i lag med gode vener. I garasjen – i romjola. Les meir.

Noko godt for øyro…

Ropstadknuten 485 m.o.h.

Foto: siri moi

Foto: siri moi

Laurdag 13. desember. Adventstid. Vinteren er i kominga. På Ropstadknuten, heilt nord i Vennesla kommune, er vinteren i ferd med å leggje sitt kvite slør øve landskapet. Les meir»

Onsdag er det klart for hesteskotevling i Otrahallen

Presis kl 19:00, onsdag 17. desember vert fanfare avspelt i skytehallen på baksida av Otrahallen. Det er klart for den årlege og vidgjetne tevlinga for å kåra den beste hesteskokastaren i dalstroka innanfor. Tevlinga er ope for alle, uansett kjønn eller målføre. Mange flotte premiar og god stemning – slik er det alltid under denne tevlinga som i fjor feira 10 år jubileum. Ta med deg dei forgylla hesteskoa frå tidlegare tevlingar eller berre kom som du er – med eller utan sko…

Landsbyhøvdingen

Iveland5- He du lyst på kaffe og ostekake. Eg spanderer. Det er laurdag føremiddag. Gro Anita Mykjåland kvitrer i mobiltelefonen. Ingen bladfyk i verda kan seie nei til eit slikt tilbod. Åkle – landsbyen attmed Birketvittjønna er truleg noke av det mest urbane du finn i indre Agder. Kjøpesenter, kolonialbutikk, bibliotek og kafeteria med velsmakande rettar av alle slag. Mat, kultur og det gode livet. Hand i hand. Gro Anita svinsar rundt i lokalet og helsar venleg på alle som kjem innom. Ho er stolt av bygda si. Stolt av Åkle – og stolt av sine sambygdinger som støtter heilt og fullt opp om dette nye, urbane prosjektet. Iveland he fått eit lyft ingen trudde var mogleg. Me gaflar i oss ostekaffe, drikk nykverna kaffe – og nyter stunda i landsbyen. Landsbyhøvdingen – og eg. Les meir»

Då Kringkastinga vitja redaksjonen på Moi

DSC_0147Moisund.com for 5 år sidan:På mange måtar vert det ei ny tidsrekning i redaksjonslokala. Før- og etter Benedicte. Heile staben hadde pynta seg i sin finaste stas. Einskilde hadde vore hjå frisøren medan andre hadde handla seg nye klede og godlukt på flaske. Det var varsla storfint besøk på Moi denne føremiddagen. Sjølvaste NRK, kringkastinga, hadde bede om audiens på Gnr 24-Bnr 5. Rykta kom lenge før både kamera, mikrofon og reportar. Rykta fortalde oss at ei smellande fin jente- og ein skrapskodd TV-reportar var på veg. No skulle visst moisund.com konfirmerast ei gong for alle. Det var ei lett nervøs stemning i redaksjonslokala denne morgonen, midt i adventstida. Vandring fram- og attende i forstova. Me kikka på klokka, på mobiltelefonen – og ut or kjøkkenglaset. Minutta gjekk seint. Me slurpa i oss eit par liter med lunka traktekaffe og byrja ganske forsiktig på jolebaksten. Meltinga var i ulage.  Så kom Benedicte.. Les meir»

Basar på Gjenbruksbutikken

ElisabethJau visst vert det basar på Gjenbruksbutikken på Evje. Ein himla kraftig, og særs innhaldsrik jolebasar.  Du kan alt no fylle opp lommeboka, finne fram lakkskoa – og krysse av den aktuelle dagen i almanakka  eller i kalenderen som heng på kjøleskåpdøra. I fare for å skrive noke riv ruskande galt så vel me å bruke Elisabeth Leifsen sine ord, slik dei tikka inn på EDB maskinen vår i går kveld: « I menighetsbladet står det at basaren er 13. desember – det er feil.  Frelsesarmeen kommer til Evje den dagen, så vi flytter basaren til den 20.  Vi hadde en morsom basar i fjor, så vi prøver igjen i år.  Vi lodder ut kransekaker og andre kaker, bøtter med mye rart i, og vi har endel  andre fine gevinster.   Basaren begynner kl 11 er slutt kl l4.  Åresalg/salg på bøker.  Det er mulig å handle den dagen også naturligvis.»

Røyrkilen 8. desember 2014

Årstidenes farger møtes en vakker desemberdag i Røyrkilen. Evje og Hornnes.

Årstidenes farger møtes en vakker desemberdag i Røyrkilen. Evje og Hornnes.

Side 1 av 46812345...1020304050...Siste »