Sigurd Langeid er leiar for politikorpset i Setesdal og Åseral krins. I påska er det kring 30 000 mennesk i dette området. Det er ein nøgd driftsleiar moisund.com talar med på kvelden 2. påskedag. Det he vore ei roleg påske, både i Setesdal – og Åseral. Ingen store, dramatiske hendinger. Fyrste påskedag var det på gong ein leiteaksjon i Brokkeheiene. 6 skuterpatruljer vart klargjorde, men aksjonen vart avslutta med lukkeleg resultat før han kom i gong for fullt. Det vart og rapportert om eit tilfelle av promillekøyring på Hovden. Fin flyt i trafikken nedover dalen på slutten av høgtida. Politisjefen er nøgd med det meste. Folk steller seg stort sett greit når dei er på ferie. Mykje tyder såleis på at det he vore ei gild påske på Ljosland, i Kyrkjebygd, i Flatebygd og på Hovden.
