Kulturbygda Iveland

Kulturen blømer i Iveland, og kommunen legg mykje til rette for at det skal gro i spora etter Olaf Engestøl, Jånn Kåbuland og Anne Synnøve Grosås. No vert det skipa til ein «Kultursko-konkurranse» der utøvande kunstanarar, med hus og heim i Iveland, kan sende inn sine bidrag.  Dette gjeld både kunsthandtverkarar, målarar, skribentar og elles alt som kjem inn under bolken kunst-og handtverk.  Tida er knapp. Det vert premieutdeling og utstilling på sjølvaste nasjonaldagen. Tevlinga vert delt inn 2 klassar. Ei klasse for dei som er over 18 år – og ei klasse for dei som enno ikkje he nådd denne milepælen på livsvegen. Kulturbygda Iveland imponerer.