Det er beint fram inponerande kva den 2 mann store arrangemntskomiteen på Evje Bowling fær i stand. For 6. året på rad skipar Asbjørn og Jahn Kåre Haugen til den internasjonale bowlingturneringa Evje Open. Tevlinga vil i år verte avvikla i tidsromet 9 – 19. juli. Så langt er tett på 100 deltakarar påmelde. Også frå USA.Asbjørn ber oss nemne at han er svært nøgd, og heilt avhengig av, den gode hjelpa han fær av vener og pårørande i samband med tevlinga. Ei god catering-avdeling er heilt avgjerande for ei god tevling – og nøgde gjestar.
Asbjørn Haugen er klar til Evje Open
Parketten er blankpolert, Asbjørn er snart klår, og i premiepotten ligg det meir enn 200 000 kroner. Det er samstundes gledeleg å kunngjere at Setesdal Næringsfond he sponsa tevlinga med 30 000 kroner. Dette gjer det mogleg å hente heim to proffesjonelle spelarar frå USA. Det vert spanande dagar, kveldar og netter hjå Evje Bowling i sumar. Moisund.com vil sjølvsagt fye meisterskapen med bilete og levande film. Alt i fargar – og beste kvalitet. Gled Dykk, godtfolk. (Meir informasjon finnast på nettstaden: www.evje.bowling.no)
Her blir det liv....
