Vidar Toreid
Den årelange maktkampen kring den tidlegare kommunelæjaren i Bygland, Vidar Toreid, held fram. I dag vart spursmålet om Toreid skulle kome inn att i varmen teken opp som eiga sak i formannskapet. Ildsjeler i lokalmiljøet hadde samla inn kring 400 underskrifter til støtte for Vidar Toreid. Guten vert ikkje tilsett som lækjar i Bygland. Dette vedtok formannskapet i Bygland, måndagen den 18.mai – 2009. Sigbjørn Horverak var den einaste som synte lækjaren eit grann medkjennsle. Fåfengt. Saka vart avgjort med 4 mot 1 røyst, og dette er nok langt på veg eit endeleg punktum for ei uåneleg sak. Det siste halmstrået vert lagt fram når Heradstyret tek sete ei gong ut i neste veke. Truleg eit vesalt strå.
