På Moi he busetjarane så smått teke til å børste støv av plenklypparen. Kyrelorten vert spreidd ut øve jordlappane i tonnevis – og i dei nye bustadfelta er folk i full sving med oljing av terassen og klargjering av yacten til den fyrste sumarkvelden på åna. Du kjenner eimen av sumarkottelettar og svidd griullpylse mest kvar einaste kveld. Øvst i dalen, på Hovden, samlast folk i desse dagar til ei merkeleg form for tidtrøyte. I hopetal møtast dei, med snøskuffe, snøfræsar og sørlandsskuffe. Dei pakkar inn – og tek vare på snøen som fall i fjord.Fulle av glød, pågangsmot og sansen for det gode liv. No vil ein gjeng eldsjeler skipe til » Rekordfestival » på Hovden. Midt i august. Eit omfattande og spanande program som tek til fredag 15.august. Åstaden for stemnet vert Hegni Friluftsområde. Her vert det aktivitetar, tevlinger og rekordforsøk både på land – og på vatn. Konsertar og etegilde med stjernehimmelen som tak. Vidgjetne artistar er alt hyra inn og gjestelista vil vekkje åtgaum langt ut øve Hovden røystekrins.
Tysdagskvelden denne veka var dugnadsgjengen samla til innsats. Tilsaman 4000 kbm snø vart køyrd i haug. Snøhaugen vart dekka med 40 kbm sagespon og 480 kvadratmeter med presenning. Eit imponerande arbeid – og ein gjeng som verkeleg he tru på at dette kan verte himlande moro.
Det skal tevlast i mange ulike idrottsgreiner. Me kan nemne: Slakk line øve bukta i Hegni, sykkeltevling, pallestafett på Hartevatn, Big Jump på ski ,treklamring, slalomstøvelboccia - og så uendeleg mykje meir. Laurdag morgon vert det dekka til morgonmat ved eit langbord i strondsona.
Ein stolt og forventningsfull dugnadsgjeng
