Motorsyklistar frå heile landet er samla på Evjemoen

Denne helga er det Norgestreff på Evjemoen. Dette er årets høgdepunkt for ihuga motorsykkelfolk. På to hjul er dei kome frå heile landet for å samlast hjå likesinna i den gamle militærleiren. I det same området som mange av dei tidlegare har vore på repetisjonsøving. Denne gong er det svart skinnjakke som gjeld, ikkje ein gamal utvaska feltuniform av militær type! Rundt 3000 er dei. Samla til fest på Evjemoen i noko som likar ein enorm speiderleir. Med strålande sol som ramme for arrangementet var det berre blide folk me møtte når me vitja treffet på føremiddagen denne laurdagen.