Seint laurdag kveld vert redaksjonen oppringd av ein vetskræmd sambygding, i båt på åna. » Nokon må take affære før her skjer ei alvorleg ulukke,» seier den svært så opphissa båtføraren. Åstaden er under RV 9 – under brua i Dåsnes. Det er her heile båttrafikken til butikk, kiosk og bensinstasjon gjeng føre seg om sumaren. Ungdom i raske båtar – fest og moro. Mørke sumarkveldar. No he ein eller annan galning bygd stillas midt i innkøyringa. Ikkje eit einaste fareskilt å sjå. Ikkje eit einaste blinkande ljos. Kven he ansvar for galskapen ?
Aluminiumsbjelkane heng omlag 1 meter øve vassflata.
Dette skjer altså i ei tid då det dagleg er stor trafikk av båtar på åna. Fatsbuande – og ikkje minst tilreisande som bur på lokale campingplassar. Dette skjer i ei tid då allmogen irriterer seg grenselaust øve entrepenørar som ikkje fjerner skilt om vegarbeid, manuelle dirigering og » sprenging pågår, – når det er helg eller heilagdagar. Slendrian. Det som me såg i kveld er skræmande, truleg heilt ulovleg og sjølvsagt livsfarleg. Her må ansvarleg entrepenør – eller ansvarlege styresmakter rydde opp omgåande.
Sjå bileta og gjer deg opp di eiga meining.
