Mona (24) er yngste dotter etter Rolf Ove og Torunn Wold i Krossen på Evje. Me traff den smilande ungjenta på kontoret , ein av dei varmaste dagane i heile sumar. Mona er i strålande humør. I år he ho fenge sumarjobben ho he drøymd om sidan ho var ei lita jente. ” Eg gler meg til å gå på jobb kvar einaste dag” seier Mona og skjenker oss ein kopp nybryggja kaffe. Kaffekoking er og ein del av jobben når ein er yngst i staben.Det er eit ungdomeleg politikorps som i desse dagar er å finne på vaktromet på Evje. Mona er 24 år – og Øyvind er framleis 25. Ein ny generasjoner med flott, lokal ungdom i ferd med å take øve ansvar for lov og orden i røystekrinsen. Me helsar dei sjølvsagt velkomne og ber dei samstundes om å stelle seg greit.
Når Mona er ferdig med sumarjobben på Evje tek ho til på eit års teneste ved Sentrum Politistasjon i Kristiansand. Frå den 17. august vert evjenta å finne på patrulje i Vestre Strandgate – eller kan hende på eit rutineoppdrag på Tinnheia.
Du ser det lang veg at desse ungdomane trivast på jobb. Så er det nok mange, i foreldregenerasjonen, som spør seg: ” Kven er no den kjekke guten til venstre på bilete ?” Då kan me avsløre at han er døypt Øyvind Haugen, og at foreldra heiter Ernst og Turid.
