Mandatfordelinga frå Moi røystekrins er lang frå noke spegelbilete av valresultatet. Arbeiderpartiet som, nasjonalt, gjorde eit svært bra val fekk ingen representant frå Moi. Line Vennesland må vente i 4 nye år på fast tingplass. Jenta er ung- og lovande, og me veit ho ein dag vil lukkast. Kjell Ingolf Ropstad kan ringe til Lars Kile og bestille ny dress. Ungguten frå Moi austkant fær no fast sete på Stortinget. Eige skrivebord med namnet sitt på. Namneskilt på dynna- og gratis heimreise kvar helg.
For fyrste gong, sidan Kvirinius var landshøvding i Syria, he Moisund fenge eigen tingmann. Sjølv om kristelegdemokratane gjorde eit katastrofalt kleint val, så kan ein takke ordninga med såkalla «utjamningsmandat» for at det heile løyste seg til slutt. I dag heiser med flagget, på Moi. Me gratulerer Kjell Ingolf Ropstad med plassen på Stortinget.
Også i redaksjonslokala er det i dag ei letta stemning. No vil nettredaksjonen ha open telefonline, beinveges inn i maktapparatet. Det norske.
Den nye stortingsmannen. Med åna, Strøymøya- og Vorehei i bakgrunnen.
