I desse tider kor sjukefråveret er eit mykje omtala tema, er det Åseral kommune som kjem best ut i heile landet når det gjeld fråver frå arbeidsplassen. Med 2,6 prosent fråver er det ingen andre som er i nærleiken av kommunar i landet. Ordførar Oddmund Ljosland, er øvetydd om at samspelet mellom leiinga og tilsette er ein av hovudårsaka til det poitive talet. Evje og Hornnes kommune er og med heilt i toppen av lista. Her er det eit fråver på 4,8 prosent som gjer at kommunen kjem på ein heiderleg 6.plass.
Medan Åseral kommune toppar lista øve dei «friskaste» kommunane i året så er det Evenes kommune som kjem heilt på botnen. Med eit sjukefråver på heile 16,9 prosent så er det liten tvil om at denne kommunen, som har eit innbyggjartal i nærleiken av Åseral, har heilt andre utfordringar å ta hand om.
Dei 6 «friskaste» kommunane i landet. (Alle tal i prosent)
- Åseral – 2,6
- Ulvik – 3,7
- Flakstad – 4,0
- Lund – 4,1
- Rollag – 4,3
- Evje og Hornnes – 4,8
Dei 6 «sjukaste» kommunane i landet. (Alle tal i prosent)
- Evenes – 16,9
- Sør-Varanger – 15,1
- Grue – 15,1
- Ballangen – 15,0
- Harstad – 14,7
- Tjeldsund – 14,5
Kjelde: KS
Snøleik i arbeidstida mellom (frå venstre) Kristina Homme, Rune Stokke, Gerd Linjord, Oddmund Ljosland og Janne Elvenes
Ordførar Oddmund Ljosland er svært nøgd med resultat i Åseral og meiner at det i tida frametter er viktig å ta vare på det gode samhaldet og miljøet i kommunen.
