Av omsut til viltet vert det no innført båndtvang i heile Iveland kommune. Med dette meinast at hundane skal haldast i band- eller vere innelåst på forsvarleg måte. Dette vedtaket gjeld f.o.m. den 5. februar- og vil halde fram til siste dagen i mars 2010. Dersom du ikkje er samd i dette vedtaket så kan du freiste å klage til fylkesmannen. Lovverket gjev deg nemleg høve til dette. Svar frå denne bolken av den offentlege forvaltninga fær du truleg ikkje før Løvetanna stend i full blom på Skaiå. Skogbrukssjef Lars Johan Skjeggedal seier til moisund.com seint fredag ettermiddag at når det gjeld Evje & Hornnes kommune så er det ikkje gjort eit tilsvarande vedtak ennå. Skjeggedal er i jamnleg dialog med viltnemda og kjem det meir snø så vert det truleg innført same restriksjonane her. Dette vil likevel ikkje skje i løpet av inneverande helg.
