Flyktningeplan for Evje & Hornnes

Heradstyret i Evje & Hornnes tek sete fredag 12. februar. Ei av sakene som då kjem på bordet er oppretting av eit såkalla ad hoc-utval som skal lage ein flyktningeplan for kommunen. Rådmannen føreslær i si innstilling til vedtak at det skal veljast to politiske representantar til utvalet- i tillegg til Elisabeth Leifsen frå NAV og Line H. Løvdal som er pedagogisk rådgjevar i E.& H. kommune. Utvalet skal innan 1.juni 2010 levere eit forslag til flyktningeplan og så skal planen handsamast i fyrste heradstyremøte etter sumarferien.