Sundag den 20. juni er det klårt for ei av dei verkelege store styrkeprøvene i lokal samanheng. Ogge Triathlon vert skipa til i fantastisk natur med utgangspunkt frå Ogge Gjesteheim i Iveland. Dette er ei tevling kor du kan få testa ut absolutt alle musklar og sener i heile lekamen din. Det er ennå ikkje for seint å melde seg på. Før du kan take i mot ein eventuell pokal, og deltakarediplom, må du symje 700 meter, sykle 43 km – og springe 8 km. Ein annan måte å kome gjennom denne tevlinga på er å stille eit 3-manns lag kor kvar einskild deltakar gjennomfører ein distanse kvar. Ein stafett som høver seg bra for ein venegjeng elller kan hende eit utdrikkingslag – eller rett og slett for kjernefamilien. Hugs å take med deg stuttebukse og hjelm. Vel møtt på sundag. (illustrasjonsfoto: moisund.com )
