Den 16.jordberfestivalen på Evje er historie. Aldri nokon gong he det vore så mykje folk samla i sentrum. Etniske evjedølar, både lensmann og handelsmenn, stadfester dette til moisund.com. Det var tettpakka med bilar frå arendalsvegen til Verksmoen, og truleg var så mykje som 7000 – 8000 mennesk innom handelssenteret denne laurdagen. Idrottslaget selde unna 600 kg med jordber og Ellen Haukom kunne køyre heim på ein brenn ny traktor då handleturen var ferdig. Traktoren var hovudgevinst i det store lotteriet som sikrar flotte skiløyper på Høgås også komande vintersesong. Myrke skyer på himmelkvelven, men regndropane heldt seg unna. Ein perfekt dag for jordberfestival. Ein strålande dag for handelstanden, for idrottslaget og for tusenvis av tilreisande gjestar.
Gutane på pensjonistbenken hadde mykje å kvile augane på denne laurdagen. Her er mykje livsrøynsle og lokalkunnskap samla. Ein viktig del av sjølve det lokale grunnfjellet. Gilde gutar på alle vis.
Marit, frå Tveit, med sjølve symbolet for folkefesten. Raude, velsmakande og kortreiste jordber. Ei smellande flott jente- og ein framifrå ambassadør for bygda.
