Til ståande applaus frå 800 festkledde sambygdinger tok dei i mot kvart sitt heidersteikn. H.M. Kongens fortenestemedalje. Sigbjørn Kjetså (t.h.) og Odd Harald Ropbstad. Gjennom eit langt liv he dei båe lagt ned ein ufatteleg innsats for ungdomen, for bygda og for idrottslaget. Det var i samband med festen til Otra IL sitt 50 års jubileum, på laurdagskvelden, at ordførar Bjørn A. Ropstad øverekte medaljane til dei to staute karane. Eit høgdepunkt og ei verdig avslutning på den 5 timar lange folkefesten i Otrahallen på Hornnes. Når Kronprinsparet om få dagar vitjar Evje & Hornnes kommune vil både Sigbjørn og Odd Harald finne kvar sin reserverte stol, på fyrste benkjerad. Velfortente heidersgjestar i kongeleg gjestebod. Film, bilete og referat frå jubileumsfesten vert om få timar lagt ut på idrottslaget si eiga nettside (foto: Geir Daasvatn )
