Jubileumsfesten i Otra IL er historie. Meir enn 800 mennesk, i alle aldre, fyllde Otrahallen til siste benkjerad. 3 års førebuing og meir enn 150 personar, dei fleste ungdomar frå bygda, deltok i planleggjing og gjennomføring av festen. I rampeljoset, på scena, vart det delt ut blomar, diplomar og medaljar av edlaste valør. Fullt fortent alle i hop. Kanskje det viktigaste av alt, og den beste gåva til bygda- og til idrottslaget, er å sjå den flotte ungdomsgjengen som nå stend klåre til å take vidare det arbeidet som gårsdagens æresmedlemmer og medaljevinnarar he lagt ned gjennom eit langt liv. Det er uråd å nemne alle med namn, men me vel å la Jon Gunnar Kjetså (bilete) representere heile ungdomsgjengen som tok del i dette store dugnadsprosjektet. Full innsats frå fyrste stavtak. Ei positiv haldning, inkluderande, stå-på vilje av sjeldne dimensjonar, ansvarsfull og påliteleg i alle ledd. Gav seg ikkje før alle var i mål- og stemneplassen var rydda for sundtrødde pylsebrød, glansa papir og tome kaffekrus. Idrottsungdom og lokal ungdom i elitedivisjonen. Otra IL kan sjå lyst på dei neste 50 åra. (foto: moisund.com )
