Ein fryd for augo og balsam for sjela:

Hannåsvollen gård på Kjetså.

Dei braut opp frå eit hektisk liv i storbyen og fann sitt paradis i botnen av ”Brennevinskleiva” på Kjetså i Hornnes. Hannåsvollen Gård he fenge nytt vertskap og nytt liv. Kjersti Våge og Jan I. Arnesen satsar no på ei framtid i, og kring,  den gamle driftsbygningen. Fulle av idear og pågangsmot vil dei freiste å skape eit kulturellt samlingspunkt i bygda. Mykje tyder på at dei vil lukkast. Arnesen seier at dei alt he funne seg godt til rette og er overvelda øve kor godt dei har vorte motteke såvel av lokalbefolkninga som av offentlege og kommunale tenestemenn. Fredagskvelden, få timar før den offisielle opninga, vart grannane på Kjetså beden på kaffe og kaker. Vertskapen på Hannåsvollen er den typen menneskje som du he ei kjensle av å ha kjend heile livet sjølv om du berre he tala med dei øve ein kopp kaffe , ein halvtime i vårsola. Dei he ei eiga evne til å skape eit heilt spesielt miljø, og ei heilt spesiell stemning, både ute og inne. Stemning he dei au klart å skape i den gamle gjødselkjellaren. Truleg den einaste gjødselkjellaren i kommunen med flislagt golv og handknyta persisk golvteppe. Her kan kring 20 menneske samlast til etegilde og venelag i heilt spesielle omgjevnader. Det er uråd å beskrive med få – eller mange ord den opplevinga du fær etter ei vitjing i den gamle låven. Vonleg vil bileteserien under gjeve deg eit visst inntrykk. Me vil såleis oppmode heile bygda, alle som ein,  om å take seg ein tur til Hannåsvollen. Ein fryd for augo og balsam for sjela.

Me kjem attende med meir stoff frå Hannåsvollen i morgon.

 

Trykk på bileta under for å endre storleik!

Sjå meir på: www.h-vollen.no