Furuskogen skal bort

Kan gå mot namneendring på fleirbrukshuset.

Foto: moisund.com

«Furuly» er ikkje lenger noke høvelege namn på det kommunale fleirbrukshuset.

Furu.trea er borte. No ligg huset som ei aude øy ute i snauflata.

Torgeir Hodne, fødd og oppvaksen i Slettefet. Utsikt til Vorehei – og den eine snauflata større enn den andre. Trulg er dette årsaka til at driftsleiaren i teknisk etat høgg ned det meste av kommunal furuskog. Fyrst var det skogen ved Evje Kyrkje som vart avliden. Så kom turen til hogstmoden skog ved gamleheimen på Hornnes. No er guten i full sving med å snauhogge Verksmoen – og delar av Dåsnesmoen. Kva driftsplanen seier om neste prosjekt er i skrivande stund noke uklårt. 

Kring 170 kbm med spesialtømmer ligg henteklart på Verksmoen. Klingjande mynt i ei trengjande kommunekasse. Kjøparar stend i kø – og telefonen stod ikkje stille medan moisund.com freista å få eit aldri så lite intervju med driftsleiaren. Ein ting skal han ha, Torgeir Slettefet, han pyntar opp kommunen.

Området rundt Furuly vert som eit nytt parkområde. Innsyn, mykje sol og eit framifrå turområde for urbane Evjefolk. Han rydder fint opp etter seg. Ikkje ein kvist vert liggande att på vollen.

Han er eit grann lei seg, Slettefet. Denne vesle furua vart ståande att. Ikkje heilt i fylgje driftsplanen. No vert ho ståande slik. Eit minne – og ei gåve til komande slekter.

Eit hogstlag er no i full sving med å hogge ned skogen kring det gamle fengselet på Hornnes. Eit nytt parkanlegg tek form. Slettefet he ein plan for det han gjer.

Om sundagen gjeng han på tur i Vorehei. Hentar inspirasjon, mot og vidsyn.