Dørvert kurs på Evjemoen

Frå gamalt av var dei utkastarar. Dei sterkaste mannfolka i bygda som tok seg av bråkmakarar når det var fest på lokalet. Ei kvar grend med respekt for seg sjølv hadde dans på lokalet. Kven hugsar ikkje Teddy Nelson. Nå diverre avliden, men den gong kongen av bygdefester. Den gong var det storleik og musklar som talde når vaktar skulle hyrast inn. Dette er no ei svunnen tid. Diplomatiet gjeld, og på dans. Dørvert kallar dei seg no. Vaktene som skal take hand om brysame Venndølar når det vert arrangert dans i dei indre bygder. Slik vil linsmann Stifoss ha det, og då vert det slik! Medan det tidlegare var nok å dokumentera muskelmasse så vert det no snart krav om godkjent "dørvert" kurs for dei som skal se til at alt går greitt føre seg på lokalet.

Sist helg vart det arrangert eit slik kurs på Evjemoen. Det fyrste i sitt slag i dalstroka innanfor, men snart kjem det fleire. Instruktør Robert Berget frå selskapet Triarii, kunne stadfeste at det no var stor etterspurnad etter kursing i heile landsdelen. Kurset på Evjemoen samla 10 deltakarar frå Evje og Hornnes, Bygland og Åseral. Ein staut gjeng som satsar på diplomati framføre rå muskelkraft.

Dei 10 deltakarane frå dalstroka innanfor som fekk opplæring som dørvert.

Sjølv om ein tek sikte på diplomati så skal du vete at desse folka og kan leggja sølv ein kranglevoren Venndøl i bakken om det er naudsynt. Dei fekk og opplæring i korleis dei med enkle grep skal take hand om slikt.