|
Luftfartshøyskolen
Sør AS
På signingsferd
til Oslo.
Foto: moisund.com
Det er i desse
fasjonable lokala på Evjemoen det meste av norsk
trafikkflygarutdanning skal foregå dei neste åra. «
Luftfartshøyskolen Sør» er drivkraften bak dette eventyrlege og
luftige prosjektet. Evje & Hornnes kommune eig 50% av
Luftfartshøyskolen gjennom sitt eige selskap Evje Utvikling as.
Tidlegare i haust fekk Heradstyret ei grundig orientering om
framdrifta i dette prosjektet. Då låg det i korta at ein
forventa dei fyrste flygarstudentane til Evjemoen i løpet av
hausten 2009. Fleire studentar frå USA skal og ha meld si
interesse for skulesenteret på Evjemoen.
I samtale med
moisund.com, laurdag 7. februar, stadfester ordførar Bjørn
Alfred Ropstad at han denne veka he vore på signingsferd til
regjeringskvartalet i Oslo. Med på reisa var Laila Øygarden,
ordførar i Froland Sigmund Pedersen og dagleg leiar for
flygarskulen Sigurd Auestad.
I hovudstaden
møtte dei statssekretær i Samferdsledept. – Geir Pollestad.
Ordføraren held
korta tett til lekamen. Dette er spel på høgt nivå.
Ropstad kan
likevel stadfeste at det ikkje vert skulestart i august 2009.
Dette er resultatet sjølv om bygningsmassa alt stend klar. Ting
tek tid.
Ein viktig bolk er
ennå ikkje avklåra. Kven kjem med pengesekken ?
Vil Stortinget
satse på denne form for utdanning på Evjemoen ?
Så langt i
prosessen he Stortinget peika på Tromsø som den mest aktuelle
lokaliseringa. No må det arbeidast systematisk for å få
Nasjonalforsamlinga til å konsentrere alle
trafikkflygarutdanning, og flygeleiarutdanning, til det
ærverdige undervisningsbygget på Evjemoen. Ordførar Ropstad – og
fylkesvaraordførar Laila Øygarden he planane klåre. No skal saka
handsamast i Kunnskapsdepartementet. Der ligg truleg løysinga.
Der ligg truleg framtida for Evje og Hornnes kommune. Bjørn og
Laila. Saman er dei dynamitt.
Tidlegare
plasskommandant på Evjemoen, Knut Karlsen, he tidlegare vore
uroa med tanke på mykje støy og bråk i samabnd med flygarskulen.
No kan den høgt dekorerte offiseren slappe av. Det vert ikkje
unormalt mykje bråk i luftromet øve Verksmoen denne sumaren.
Skulestart er utsett til hausten 2010. Førebels.
Foto: moisund.com
Biletet syner
nordre fløy v/ Luftfartshøyskolen Sør as.
|
