|
Finale sale – 60%
off
«I love Norwegian
country….»»»»»
 På
nasjonaldagen gjeng me i flokk og veiftar med det norske
flagget. Me syng av hjartans røyst og ber vår Gud om å signe
Fedrelandet. Me samlast kring bautasteinen og minnast
sambygdinger som slåss for fred, fridom og folkestyre.
Halvparten av oss er livredde for EU og minst like mange trivast
ikkje med å ha ein « pakkis» i grannelaget eller ein neger i
same etasjen i bustadblokka. Ikkje kall oss rasistar, me er
berre så umåteleg glade i det ekte norske. I Framstegspartiet, i
fjordar og fjell, i lusekofte, brunost og hytte med utedass.
Synnøve Solbakken, stabbur frå Vinje og kortreist mat frå fjoset.
Det er berre ein ting me skjemmast for- det norske språket.
Norsk talemål og norsk skrivemåte er ikkje lenger brukande,
sjølv om me faktisk he to offisielle språk å vele mellom.
Utgjenge på dato. Bileta her er eit døme på nettopp dette. Så
lyt kvar einskild gjere seg opp ei meining om det er ei ynskja
utvikling, ei naydsynt utvikling eller rett og slett berre noke
nauteskap. Snobberi, vas og fjas……
foto: moisund.com
I Gjerstad kommune,
i tjukkaste Aust Agder, he dei no ope « 24 hours a day.».
foto: moisund.com
I indre Telemark
annonserar dei på denne måten når dei he helsetrøye, skjorte og
slips på tilbod. Dette bør vere lett skjøneleg for folk i alle
aldre.
foto: moisund.com
Jau, jau –
Kristiansand er då ein internasjonal by. Då er det sjølvsagt at
ein må kunngjere bodskapen på eit skjøneleg språk. Karsleg er
det i alle fall. Det vert på ein måte litt meir stil øve slike
salgsplakatar. I Sørlandsparken.
foto: moisund.com
Me er framleis i
tjukkaste Telemark. Kulturfylket Telemarket. Denne forretninga
he skifta namn frå det uskjønelege og heilnorske « Interiørland
» til det meir lettleste og urnorske « Home & Cottage.»
foto: moisund.com
Å få handla seg ei
vaffel med jordbersylt og ein kopp kaffe på ei vegkro er nærast
håplaust i dag. Kafeteria er avlegs. Utgjenge på dato. No er det
« On the Run Cafe’ » som er i skotet. Eit godt namn på ein
særnorsk tradisjon.
Tilbod på coke,
fried potatoes and nuggets. Dressing and salad, included.
foto:moisund.com
Fengjande
butikknamn og gode tilbod er daglegdags hjå handelsnæringa i
Agder, Telemark og dalstroka innanfor. Imponerande og kreativt.
foto: Tom Øverland.
Stavanger er
truleg den mest internasjonale byen i heile landet.
Oljehovudstaden.
Europeisk
Kulturhovudstad 2008. Her fann me døme på gode norske skilt. På
Randaberg. Få hundre meter frå ein gigantisk oljerigg. Fleire
hundre kilometer frå brunbeisa stabbur og norsk kultur i
Morgedal.
Kulturfylket Telemark og « finale sale – 60% off » på new jeans,
T-shirts and cowboy boots. All taxes included.
Hjå Intersport på
Evje kan du framleis handle deg « Nike Fit Dance Baggy Woven
Pants» til ein rimeleg penge. Skund deg. Snart er det vel Finale
Sale
der og.
Til slutt vil me
berre nemne at dersom du er kvinne, ung, lovande og i tillegg he
eit grann tru på framtida – ja då he NHO i Aust Agder eit
knakande godt kurstilbod til deg. Truleg eit resultat av
lågkonjunktur,finanskrise og ny likestillingslov. Kurset he dei
kalla « Femail Future Agder.»
Kor tek dei det
frå……………..????
|
