Kulturskule i Iveland

Flotte jenter med pensel og staffeli.

Anne Synnøve Grosås med vesle Oline på fanget.

Kvar torsdag, sidan tidleg i haust, he jentene møtt trufast opp i lokala til Iveland Malerklubb. Her vert det skipa til målarkurs i regi av kulturetaten i Iveland.

Lærarkreftene er av aller beste slag. Anne Synnøve Grosås og Anne Betzy Engestøl er båe to røynde og vidgjetne kunstmålarar. Av ein eller annan grunn så er det berre jenter på denne bolken av kulturskulen. Gutane er sjølvsagt velkomne, men så langt he dei synt liten interesse.  I løpet av juni månad skal elevane stille ut måleria sine. Åstaden for denne høtidsstunda vert eit uthus på Leesland. Ei fin ramme kring verdfulle kunstverk. Denne dagen bør det verte folksamt på Leesland. Moisund.com he alt tinga plass kring kaffebordet. Ordføraren bør snart byrje å skrive på talen, og hornmusikken bør pusse støv av klarinetten. Mer er tross alt i kulturbygda Iveland.

Utruleg mykje fint å sjå i målarstova. Her er det Åse Leesland som styrer penselen. Varme fine fargar. Truleg vert dette måleriet hengjande på ein eller annan stovevegg i Iveland i løpet av hausten. Eller vert det kan hende i ei stove på Moisund eller på Sveindal.

Silje Honnemyr er eit av fleire lovande talent me møtte på kulturskulen. Ei smilande og blid jente som tydeleg gav uttrykk for at dette var moro.

Marthe Åsen i djup konsentrasjon. Her er kvart eit penselstrøk vel gjennomtenkt.

Med eit vakent og kritisk blikk vandrer Anne Betzy Engestøl frå elev til elev.

Ho gjev gode råd, og elevane tek gjerne mot lærdom. Anne Betzy er for mange eit forbilde for den oppveksande slekt. Bileta hennar er populære langt ut øve røystekrinsen. Snart fær ho konkurranse frå Rita, Marthe, Åse, Kaja, Mari, Monica, Kristina og Silje på kulturskulen. I slutten av juni fell sensuren. På ein låve på Leesland.

Sjå fleire bilete frå kulturskulen. Klikk på bileta – og dei vil endre storleik.