|
Folkemøte om
vegsalting
«Salt høver seg
best på maten»
Foto: Lasse Liestøl
Folkemøtet på
Furuly, om vegsalting, samla uvanleg mykje folk på
måndagskvelden. Kring 70 engasjerte tilhøyrarar var møtt fram på
foreningshuset. Stemninga minna mykje om eit godt gamalt
vekkjelsesmøte.
Sigmund Skomedal
som ein dyktig, og vel førebudd møteleiar, sytte for god
stemning i salen. Det var på førehand annonsert med
meiningsutveksling og frie vitnesbyrd. Slik vart det.
Obert Bjærum las dei sakkundige teksta på ein måte dei seint vil
gløyme.
«
Salt passer best på maten – ikkje på vegen.» Klår tale frå ein
kar som he arbeid innanfor faget i årevis. Hundrevis av bilar he
Bjærum slusa gjennom verkstad – og EU kontrollar. Han he med
eigne augo sett kva skade vegsaltet gjer på bilparken.
Alf Andersen frå Byglandsfjord ( no omdøypt til Salt Lake
City ) hadde med seg ei bremseskjeve frå ein Toyota som
hadde rulla 91 000 km på m.a. sterkt salta vegar i Setesdal.
Skadane var
tydelege og Andersen la dette fram som eit synleg prov på
styggedomen.
Jan O Pedersen er
sjåfør hjå Setesdal Bilruter og køyrer dagleg på RV 9 mellom
Kristiansand og Hovden. Han var svært nøgd med stoda slik den er
i dag. Pedersen nytta høvet til å takke entrepenørselskapet Risa
for framifrå vedlikehaldsarbeid på stamvegen, og meinte
samstundes at snøfrie vegar og trafikktryggleik er så mykje
viktigare enn skjemmande rust og slitasje på bilparken.
Det vart mange
sterke inntrykk og mange ord til ettertanke for dei sakkundige i
panelet. F.v. Tordis Vandeskog, Åge Sivertsen og Jens Gunnar
Andersen.
Mari Katerås,
sjølvaste parlamentet i Dåsvannsdalen. Samfunnsengasjert som få.
Ho falda hendene,
lukka båe augo og kan hende ho bad ei stille bøn om at saltbilen
aldri må kome opp Dåsvannsdalen. …
Når
gamleordføraren, Asbjørn Kjetså, tek ordet vert det tagalt i ei
kvar forsamling. Folk høyrer på Asbjørn. Ein røynd mann med
kunnskap om svært mykje. Ikkje berre skog, kubikkmeter og
Senterpartiet. Ein heidersmann du truleg ikkje finn maken til
nokon stad.
Her er nokre av kommentara
som kom under møtet:
”Ei sørpe så jævlig”
”Pensjonistene har nå i det minste tid til å vaske bilen”
”Lastebilsjåførene er vel bare glade til, nå slipper de styret
med kjettinger og de kan gå på jobb iført tresko og t-skjorte”
”Det vesenet, vegvesenet”
"Viktigere å redde menneskeliv enn å spare bilen for litt
slitasje og rust"
"Byglandsfjord blir for tiden bare kalt for Salt Lake City"
Representanten frå Natur og ungdom var
sjølvsagt imot salting, og sidan det skader miljøet ville ho
innføre påbod om bruk av 4x4 på vintervegane.
|
