Bingohallen på Evje er opna!

Sjølv om dagleg leiar av den nye bingohallen på Verksmoen, Truls Johansen, diverre måtte konstatera at datateknikken svikta på opningsdagen så let han seg ikkje vippe av pinnen av den grunn. Gratis marsipankake, kaffi og gåvekort kunne han gje alle dei frammøtte, sjølv om det ikkje let seg gjere å spele bingo på den gamle gode måten med bingobongar ein kryssar av på - med tusj! Dei nye dataterminalane fungera og alt ein halv time etter opning gjekk den fyrste utbetalinga på kr 520,- til ein av dei som prøvde lukka.
 
Rune Kjetså til venstre vann dagens fyrste gevinst...medan andre koste seg med ein kopp kaffi på opningsdagen.

I desse lokala som har ope kvar dag med unntak av laurdagen, vil ein kunne spele bingo på datamaskinar og sjølvsagt med bongen på bordet. I papir. Problemet på opningsdagen var at dei ikkje hadde lukkast å kome online med Mandal kor tala vert lesne opp og kringkasta via store fjernsynsskjermar i lokala.  

Eg gav gåvekortet til Truls og bad han syne meg korleis det skulle gjerast. Sjølvsagt ville eg ha premien som kortet måtte gje.....

Etter registreringa var det berre å setja seg ned i ein stressless for å spele..

Ein svært skuffa journalist kunne konstatera at det ikkje vart ein ny redaksjonsbil denne dagen...sjølv om dagleg leiar som skulle kjenne maskina spelte for meg....

Velkjende bingobongar som ein diverre ikkje fekk nytta på opningsdagen på grunn av tekniske problem, men dei kjem godt med ved seinare høve!

Sjå tidlegare artikkel her!