Isen ligg tjukk på
Ørevatn i Åseral. Kraftstasjonen på Skjerka venter på
snøsmeltinga. Det dryp frå taket og Linerla er i kominga. Litt
lenger oppe i lia he Tor Åge byrja å rigge til Rootsfestival.
Bikkja er dau, men festivalen lever.
Nede på stronda
fær me auge på ein kar som er i ferd med å hogge hol i isen.
Truleg isfiske. Matauk, spaning og det gode liv. Der tok me feil
!
Erik Kittelstad
(15) he bada her kvar einaste dag sidan 28.mai i 2008. Ein dag
he han skulka. Det var den 5.august. Årsak til det var ein
innlagt familietur til Danmark. Gyldig fråver, men ikkje heilt
greit.
Til vanleg er det
på kveldstid Erik høgg hol i isen og laugar seg. Då er vatnet
klårt og fint. På grunn av reguleringa i samband med
kraftstasjonen må Erik ha to tilgjengelege vasshol. Eit for
høgvatn – og eit for lågvatn.
Klikk på bileta
under, og dei vil endre storleik. Fær du hug på å lauge deg før
neste helg så er det sikkert høve til å låne eit av vasshola til
Erik Kittelstad. Han såg ut til å
vere ein lageleg kar. Nybada og barføtt i snøen.
