To kyrkjer – eitt sokn.

Kyrkjestrid til heradstyret.

Ei djup kløft deler Fennefossfjellet i to bolkar. Åna, vassvegen gjennom dalen, deler kommunen vår i to bolkar. Nasjonaldagen, 17.mai, deler bygda i to bolkar. Evjefolk feirer dagen på Evjemoen medan Honndølane stuver seg i hop i Otrahallen.  Kyrkja, den norske, deler kyrkjelyden i to bolkar.

No hamnar spursmålet « To kyrkjer – eitt sokn »  i heradstyret. Dei folkevalde skal no drøfte denne saka, og kome med ein uttale, før Kyrkjeleg Fellesråd og Bispedømerådet tek den endelege avgjerda. Ei tung og vanskeleg avgjerd.  Sterke meininger, tradisjonar, tradisjonar, tradisjonar og tradisjonar.

AP-dronninga, Aud Helene Austegard, er ein av lokale politikarar som fredag den 13. mars skal drøfte samanslåing av våre to kyrkjesokn. Unge Austegard seier nok klårt frå om kva ho meiner er rett i denne saka. Ho plar det.

Sokneråda i kommunen he fenge greia ut spursmålet om Evje sokn og Hornnes sokn skal slåast i hop til eit felles sokn. Utvalet som he arbeidd med denne saka gjeng inn for ei samanslåing. Det same gjer Kyrkjeleg Fellesråd, soknerådet og soknemøtet i Evje.  Eit klårt fleirtal i soknemøtet i Hornnes gjeng i mot samanslåing. Det same gjer Hornnes sokneråd.

Det er likevel semje om at søknaden om samanslåing skal sendast til Bispedømet for endeleg avgjersle i Bispedømerådet.

Etter ynskje frå Bispedømerådet he Kyrkjeleg Fellesråd bede om kommunen sin uttale. Det vil dei truleg få. Saka vert servert dei folkevalde i Evje og Hornnes, fredag den 13.mars.