|
LS 2009 på
Evjemoen
Brikkene fell på
plass.
Foto: moisund.com
Fennefossguten
Leif Fjerdingstad er sjef for heile skyttarstemnet.
Hovudkomiteen for
Landsskyttarstemnet tok sete på Evjemoen tysdag 17.mars. Osvald
Uleberg serverte kruttsterk kaffe og medbrakt gjærbakst på
sylvfat. God stemning og stor optimisme sette sitt preg på denne
kvelden.
Leiar av
hovudkomiteen, Leif Fjerdingstad, styrer møta med stø hand og
klår røyst. Han he vorte meir forsiktig med kaffedrikkinga etter
han passerte 60 års grensa. Det er slik det høver seg eldre
folk. Samanhengjande nattesøvn og regelmessig døgnrytme er
viktigare enn ein ekstra kopp med
Evergood.
Yvonne Ødegård
Punkt nummer 4 på
sakslista var tilsetjing av sekretær for hovudkomiteen.
Spaninga var stor.
Ingen vart
skuffa. Den røynde bladfyken, Paul Mjåland, vart tagal.
Skyttarlegenda Anders Metveit turka ei tåre frå kjaken.
Venneslajenta Yvonne Ødegård kom som eit friskt pust inn blandt
ein gjeng mannfolk som for lengst he passert livets middagshøgde
og den mest aktive vekstalderen.
Eit
landsskyttarstemne krev ein sekretær og eit ordensmenneskje frå
øvste hylle. Yvonne er håndplukka til jobben. Ho vert neppe
arbeidsledig dei neste månadane. Ei viktig brikke fall på plass.
Bjarne Haugjord
frå Evje he teke på seg vervet som leiar av premie-
komiteen. Eit
puslespel med medaljar, premiar, gåvepremiar og pokalar for
omternt alt kva du kan tenkje deg. Då Bjarne tok på seg ansvaret
var det ei viktig brikke som fall på plass.
Det er ikkje svært
enkelt å ha meir enn ein tanke i hovudet på ei gong. Egil
Juvastøl he den eigenskapen. Han kan ha mange tankar på
harddisken – samstundes. Truleg årsaken til at unge Juvastøl
vart henta til jobben som arenasjef. Egil he no kontroll på alt
frå lydanlegg, scene, tribunar, hoppeslott for dei minste og eit
utall toalett på to-og fire hjul. Mange brikkar he falle på
plass den siste veka.
Pågangen frå
potensielle deltakarar er aukande. På telefon og på mail.
Interessa er stor
og det kan gå mot deltakarrekord.
Radio Evje vert
stemneradio, kongefinalen er flytta til torsdagen, Telenor må
syte for ei kraftig oppgradering av mobilkapasiteten og torsdag
denne veka vert dei fyrste friviljuge kalla inn til kurs. Kurs i
elektronisk resultatservice på moderne EDB maskinar. Den bolken
må så avgjort ikkje svilkte. I så fall vert det heller ikkje
nokon kongefinale på torsdagen……
Leiar av
hovudkomiteen he kontroll. Det same gjeld sjefane i dei ulike
underkomiteane. Røynde folk. Skyttarar gjennom eit langt liv.
Landsskyttarstemnet på Evjemoen vert ein folkefest me aldri he
sett maken til. Garantert.
|
