Tor Idar Lund (58 )

Slutter som sportshandlar – ei epoke er over.

Foto: moisund.com

Få kjenner det pulsereande dagleglivet i handlegata på Evje betre enn kremmerguten Tor Idar Lund. I 36 år he han forsynt heimbygda med syklar, ski, joggesko og fotballdrakter. No er det slutt. Tor Idar sel unna sportsbutikken og slepp neste generasjon – og yngre krefter til bak spakane.

I framtida vil han konsentrere seg meir om Jerniabutikken han eig i andre høgda i forretningsbygget. Ikkje noke hastig avgjersle. Ikkje noke enkel avgjersle. Tor Idar he handelsblod i årene. Fleire generasjonar attende. Firmamnet « Torgeir Lund» vart etablert så tidleg som i 1931, og vil framleis fye verksemda inn i framtida. Det er ei ny tid. Livet – og samfunnet endrer seg i takt med den. Slik er det med oss alle. Tor Idar minnast godt dei fyrste åra han dreiv sportsbutikk på Evje. Då var utvalet 4 ulike sykkelmodellar, kvite joggesko med 3 svarte striper på sida  - enten langrennski eller turlangrennski. Sportsbransja he vore gjennom ein revolusjon. I dag syter omsetninga av jakker, bukser og idrettstøy for meir enn 50 % av totalen i mange sportsforretninger. Ski og syklar har vorte ein vitenskap.

Den røynde forretningsmannen er framleis sterk i trua på Evje som eit leiande handelssenter på Indre Agder. Han er like klar på at skal dette lukkast i framtida så må det samarbeidast mykje tettare enn i dag, dei ulike verksemdene i mellom. Det er inga framtid i at kvar kjøpmann sit på eiga tuve og berre talar si eiga sak. Felles marknadsføring og felles opningstider er stikkord i denne samanheng. På spursmål om det er bransjer han saknar på Evje, fær me eigentleg ikkje noke klårt svar. Han er likevel overtydd om at fleire forretninger i same bransje, meir- og tøffare konkurranse, vil styrke Evje som eit populært handelssenter. Kundane vil ha alterntiv. Kundane vil ha mangfold. Tor Idar trekk fram t.d. sportsbransja. I dag er Evje eit eldorado for folk som skal handle sykkel, ski, golfkølle eller joggesko. Det vert omsett sportsartiklar  for nærare 20 mill på Evje i dag. Kundane kjem frå heile Sørlandet. Godt utval, låge prisar, tøff konkurranse. Eit godt døme.

Tor Idar Lund er ein av få offiserar i dette landet som kan skryte av å ha sin eigen militærleir. Tor Idar er plasskommandant. I ungdomen tok han befalskule- og i godt vaksen alder kjøpte han den vidgjetne Hannåsleiren.

No vonar han å få meir tid til naudsynt vedlikehald, plenklypping og oppussing i leiren. Også her he Tor Idar ein kulturarv å take vare på.

Det er nok likevel dei færraste sambygdinger som veit at guten he bak seg ei karriere som kelner. To år som ølberar og kelner i alpelandet Tyrol ligg som ein berebjelke i det vidare, suksessfulle forretningslivet. 

Tor Idar Lund vil framleis vere å finne som ein sentral mann i Evje sentrum.

Du vil sjå han kvar dag. På veg til banken – eller på veg til Pernille for ein kopp kaffe i hop med gode vener. Tor Idar he menge vener. Vener som ynskjer han til lukke med vidare forretningsdrift. Forretningsdrift på ein litt annleis måte. Eit anna gir. Lågare turtall.