Trygve Jokelid – ung og lovande.

Eigedomsmeklar i særklasse.

Foto: moisund.com

Langt frå minimalistiske meklarkontor bak sota vindaugsglas. Langt frå brusande capuchinomaskinar og blinkande neonljos i Kvadraturen. Langt til fjells. Det er her me møter Trygve. Det er her guten trivast. Blant vindskeiv fjellbjørk, orrfugl og ferske harespor. Med majestetisk utsikt til Himmelsyna. Kontorpulten er ein Polaris snøskuter frå 2006. Her he Trygve funne sitt eige paradis. Det er her han vaks opp. Ei ny tid er i emning og Trygve Jokelid ser ei framtid i hyttebyggjing og tomtesal på eigedomen sin. Framsynt – og med tanke for komande generasjonar. Forvalting av naturressursane. Heilt etter læreboka.

Jokelid he fenge godkjend rundt 70 tomter på eigedomen sin ved Høgås. Tomtene er på rundt reikna 1 dekar. I tillegg til ein eineståande natur fær du med på kjøpet både veg, vatn, strøym og breidband til EDB maskinen.  Like utanfor stoveglaset finn du dei finaste skiløypene i heile Sør Noreg.  Maskinkøyrde løyper – og sjølvsagt ljosløype.

Trygve er ikkje som andre eigedomsmeklarar. Trygve er stødig og trygg som sjølvaste Sparebanken. Ikkje unødig skryt og store ord. Jordnær og  traust. Etterspurnaden er stigande. Sist veke selde Trygve 3 tomter. Kor mange det vert denne veka er i skrivande stund ikkje heilt avklåra. 

Ein eigedomsmeklar i særklasse. Ein umåteleg gild gut.