27. – 29. mars

«Vårhelg» - eit tilbod til ungdom i alle  aldre

(Foto: Oddmund Strømstad)

F.v. Arild Åtland, Jon Gunnar Kjetså, Tonje Berg, Bjørn Tore Aastveit og Øysteien L. Lie.

Dette er ein del av komiteen som skipar til  Vårhelg, i slutten av månaden.

Ei helg full av aktivitetar for ungdom i alle aldre. Eit samarbeidsprosjekt mellom Normisjon, ungdomsforeningene på Hornnes og på Evje, KRIK og det etter kvart så populære songkoret « Koriallverda.»

Det heile tek til fredagskvelden klokka 19:00 med ulike KRIK-aktivitetar i Otrahallen. Frå kl: 21:30 vert det samling i bedehuset på Hornnes der det m.a. vert bidrag frå eit team frå bibelskulen i Grimstad.

På laurdagskvelden vert det gospelkonsert i Evje Kyrkje. Det vert framføring av 4 ulike gospelkor. Garantert ein livleg og stemningsfull kveld.

Sundag vert det heile avslutta med noke dei kallar for « generasjonsmix » i bedehuset på Hornnes. Ei hyggestund for folk i alle aldre. Alle generasjonar.

Arild Åtland, sentral mann i komiteen, seier dei sjølvsagt vonar på  god stemning, gode opplevinger og godt frammøte. Dersom nokon lurer på eit eller anna i samband med denne travle helga kan dei ringe Arild på tlf. 91785253.

«Koriallverda.»