Lasse Trygsland tok affære

No kan du sjå gravhaugane på Verksmoen.

Vegskiltet på Verksmoen he lurt mange turistar og fastbuande ut i eit elende og eit villniss av bjørkekratt, gamalt skrot og langt gras. Turistattraksjonen, det 1750 år gamle gravfeltet, er det svært få som he funne fram til.

I desse dagar er Lasse Trygsland, tilsett i Teknisk Etat, ferdig med å rydde opp i dette freda, og svært så interessante området. No ser det verkeleg ut som ein turistattraksjon. Graset er slått, trea er kvista, informasjonstavlene er synlege og du kan nyte utsikten mot Fennefossen.

Me møter fagarbeider Trygsland på åstaden. Travelt oppteken med å tale i mobiltelefonen. Mange vil ringje og takke for ein framifrå jobb. Lasse vert snart pensjonist. Den gamle lekamen treng kvile. Mykje talar for at han neste år kan kome attende som omvisar i dette svært så spanande området. Sumarjobb.  Lasse kjenner kvar ein stein. Kvar ei tuve. Ein talefør og språkmektig mann som turistane vil setje umåteleg pris på.

Du kan parkere bilen på nedsida av verkstaden til Arvid Lantz. Greie informasjonstavler fortel kva du kan sjå inne i  gravfeltet frå ”Yngre Jarnalder.” Ein tur me på det strekaste kan tilrå.

Driftssjef i Evje & Hornnes kommune, Torgeir Hodne, er svært nøgd med at dette unike området no endeleg kan synast fram for publikum på ein verdig måte. Han gjev Lasse Trygsland heiderleg omtale for jobben han he gjort.