Med turmarsj som yrke

Sverre og Bergljot frå Gran på Hadeland.
Foto: oddmund strømstad / øystein moi

Sverre var på rekruttskulen for H.M.K. Garde på Evjemoen i 1959. Han fortel at kvar laurdag og sundag så samla rekruttane seg på Hornnes Gjestgiveri for å spele kort og kikke på jentene. Denne helga var han attende i bygda for å gå Hornnesmarsjen. Kva var vel meir naturleg enn å overnatte på Hornnes Gjestgiveri i Dåsnes. Både Sverre og Bergljot skryt voldsomt av sørvisen og opplegget på den tradisjonelle gjestestova. Det same gjer dei av opplegget kring Hornnesmarsjen. Dei veit kva dei talar om, den gamle Gardisten og den spreke kona frå Gran på Hadeland. I fjor deltok dei på 160 turmarsjar. Sidan oppstarten i 1992 he ekteparet gjennomført meir enn 1100 marsjar. Dei lyt få lov til å kalle seg røynde marsjfolk. Me gratulerer og ynskjer velkomen attende til Hornnesmarsjen og til Hornnes Gjestgiveri neste år.