A.& O Langeland på Evje

Meir kremmar – mindre sentralstyrt.

Frank Langeland, og kona Åse, he handla med fjernsyn, støvsugarar, radio og vaskemaskinar på Evje sidan 1985. Ein trufast lokal kundekrins og stadig aukande handel med hyttefolk i området gjer denne verksemda til ein solid byggjestein i det lokale næringsliv. Nyleg melde Langeland seg ut av eit langvarig samarbeid med ”Expert” kjeda. Han er framleis for ekspert å rekne men vert no marknadsført som ”Euronics på Evje.” Dette er ei kjede som høver mykje betre for små butikkar på vår storleik. Her stend me mykje friare med omsyn til vareutval og me vert heller ikkje så sentralstyrt som me vart tidlegare, seier butikksjef Frank Langeland. No føler han at han kan vere meir kremmar og kan kjøpe inn varer som høver betre til den lokale marknaden. I dag er det 5 tilsette i den tradisjonsrike forretninga med eigen sørvisverkstad i kjellaren.

Ein slik boks til 1500 kroner er alt du treng for å sikre deg krystallklåre fjernsynsbilete, også i framtida.

John Andersen he vore i bransjen omtrent sidan fjernsynet kom til Noreg, nærare bestemt i 35 år. Ein framifrå fagmann som hjelper kundane med det meste. Alltid eit venleg svar svar, sjølv på dei mest håplause spørsmål.  Dette året he John solgt meir enn 300 parabolanlegg. Svært mange anlegg til hyttefolk både på Gautestad, Fjælestad og Brokke. Til tider he pågangen vore så stor at leverandøren ikkje he klart å levere nok. Mykje av årsaka til dette er at frå juni månad neste år så kan ikkje folk take i mot TV- signal gjennom den gamle antenna. Då er det ”Riks TV” og det digitale bakkenettet som gjeld. Då lyt folk enten skaffe seg ei parabolantenne eller kjøpe seg ein såkalla ”Riks TV dekoder.” Dersom du ikkje krev det heilt store utvalet av fjersynskanalar klarar du deg godt med ein slik dekoder til 1500 kroner. No kan du og kjøpe fjernsynsapparat med slik ”Riks TV – dekoder ” innebygd i sjølve apparatet. John syner oss eit slikt fjernsyn. Biletet er krystallklart. Skilnaden ser me tydeleg når han slær øve fjernsynet på vanlege TV signal frå Fennefossmasta. Som nått – og dag. Dersom du framleis er forvirra så kan me tilrå ein tur innom Euronics på Evje. John kan alt om dette. Det same kan Agnar Evanger.Han var ikkje tilstades då biletet vart teke. Ingen læregut han heller. Agnar monterte fjernsyn og antenne på Moi i 1966. Ikkje i fargar – men fagmessig utført alt den gong.