Reisebrev frå Amerika.

Fråhaldsrørsla stend sterkt.

Like etter andre verdskrigen reiste ei jente frå Moi, Tora Jotebakken, til Amerika for å tene til livets opphald. Etter få dagar i det store utlandet skreiv ho eit kort som ho sende til vener i heimbygda. Tora var fråhaldskvinne på sin hals. I Amerika hadde ho heilt tydeleg møtt kvinner med same syn på brennevin og sterk drykk som ho sjølv hadde. Når ein ser på dette biletet, og desse sjarmtrolla, ja då er det ikkje vanskeleg å skjøne at mange mannfolk let flaska stå og ofra seg for kjærleiken.