Moseidmoen skule – onsdag  29.oktober

Fyrstehjelpskurs for hund og katt.

Kirsti Bjørndal, ei ekte Hornnesjente, er dagleg leiar av Vennesla Dyreklinikk. Ein røynd dyrlækjar med høg status innan sin eigen fagkrins. Kirsti driv no for det meste med smådyr. Ho vaks opp i skogkanten, i nedre del av Dåsvannsdalen, der jakt og friluftsliv var ein naturleg del av kvardagen. Hennar kunnskap om, og røynsle med, m.a. jakthundar er såleis ikkje tilfeldig. No vil Kirsti, i hop med resten av gjengen på Vennesla Dyreklinikk, dele noke av denne kunnskapen med sine sambygdinger  frå Vennesla og omegn.

Bjørndal seier, i ein kommentar til moisund.com, at dette kurset er noke heilt nytt i sitt slag. Med seg på laget he ho fenge Vennesla Hundeklubb som stiller opp med sprell levande dyr slik at dei ulike øvingane kan verte så realistiske som mogleg. Frå verksemda Snøgg kjem ei vaskekte Evjejente, Elisabeth Tellefsen. Ho vil m.a. syne fram diverse hjelpemiddel som kan vere greit å ha tilgjenge på dersom noke gale skulle skje med din firbeinte ven. Dyrlækjaren, i hop med Snøgg, he laga til eit eige fyrstehjelpskrin som er skreddersydd for kjæledyr av ulike slag. Dette vert å få kjøpt på kurskvelden.

Staden er Moseidmoen skule. Dagen er onsdag 29.oktober. Det heile tek til kl. 18:00. I utlysinga stend det beint fram at kurset er gratis. Då er det ingen grunn til å site heime i godstolen. Kirsti og gjengen på Vennesla Dyreklinikk tek garantert vel i mot deg. Dersom du vil sikre deg plass på kurset lyt du ringe tlf  381 55 600, seinast dagen i førevegen.