Innsetjing av ny sokneprest

Velkomen skal du vere, Anette.
Tekst: øystein moi   Foto: torbjørn leifsen

Leiar av soknerådet, Valborg Hauan, les innsetjingsbrevet frå biskopen. I bakgrunnen ein lettare nervøs prost, Ole Gunnar Sæbø.

Mykje godtfolk var samla i Evje kyrkje på sundag då det var skipa til høgtideleg innsetjing av den nye soknepresten, Anette Vognild. Mange ville ynskje presten, og  familien hennar, velkomen til bygda og til teneste for kyrkjelyden. Det vart ein festdag og det vart ein festleg kyrkjekaffe etter at det seremonielle var unnagjort. På matsetelen stod det både påsmurde rundstykke og kaloriholdig blautekake av beste slag.. Berre smulane låg att då dei siste sokneborna forlot kyrkjeromet.

Mange helsa den nye presten med velvalde ord og flotte blomebukettar. Me nemner m.a. varaordførar Nils G. Østerhus, Valborg Hauan frå menigheten, helsing frå konfirmant-utvalet, frå staben v/ organist Nina Irslinger og helsing frå prestekollega Thore Oustorp.

Soknepresten, fru Vognild, i hop med ektemannen og dei 5 borna deira. Det vart kviskra eit grann frå kyrkjebenkane om at her vert det nok stor etterspurnad etter bornevakt. Folk i bygda vår er kjende for å stille opp på dugnad når slikt er etterspurd. Truleg vert ikkje dette noke problem. Velkomen skal Dykk vere alle i hop. Vonleg vil dykk få mange gode vener,trivast på skule – og i arbeid, og verte verande lenge i bygda.

Fleire bilete frå kyrkja. Klikk på bileta, og dei vil snøgt endre storleik.