Her er beviset:

Klåre grenser mellom politikarar og tilsette i Evje & Hornnes kommune.

Ein journalist, frå vår politiske avdeling, var innom kommunehuset på Evjemoen nyleg. I andre høgda, midt i bygget, ligg matstova til administrasjonen. Her skal politikarar trø svært så varsamt. Vår mann vart ventande ei stund i dei endelause korridorane, og kunne ikkje motstå freistinga då eimen av nykoka kaffe seig ut frå matstova. Han lista seg inn på mjuke gummisolar. Ikkje ein byråkrat var å sjå. Truleg viktige møte attom kvar ei dør. I matstova var han einsam. Guten skjenka seg nokre dropar i eit vesalt plastkrus. Framleis einsam. Han forsynte seg av kakefatet, vel vitande om at dette ikkje var i samsvar med god folkeskikk og politisk etikette. Det var då han fekk auge på dei to boksane med kaffe borte på benken. Det var då han skjøna at dette måtte dokumenterast. Biletet talar for seg sjølve.

På neste møte i Heradstyret vil ein såleis oppmode dei folkevalde om å take med seg kaffe frå heimen. På termos. Ingen kjenner framleis innhaldet i boksen til høgre på biletet. Kan dette vere årsak til at bort i mot alle vedtak i Heradstyret vert vedteke samrøystes ? Doping.!