Heradstyret den 3. oktober

”Forsvaret er avhengig av skytefeltet på Evjemoen”

I førekant av møtet den 3. oktober fekk dei folkevalde ei grundig orientering om Forsvaret sin bruk av Evjemoen skyte-og øvingsfelt. Dei væpna styrkene var representert ved skulesjefen på Kjevik, Forsvarsbygg og ein representant frå Forsvarets Logistikkorganisasjon (FLO).

For 5 år sidan var det ingen som hadde bruk for korkje skytefeltet eller militærleir. Soldatane vart sende heim, offiserane gjekk øve på venteløn og alt militært utstyr vart solgt på auksjon i Hannåsleiren.. I dag er situasjonen heilt annleis. Forsvarets avdelinger, både i Agder – og i Rogaland er i dag fullstendig avhengig av skyte-og øvingsfeltet på Evjemoen. Eller som han sa det den tilreisande oberstløytnanten: ” Dette øvingsfeltet passer oss perfekt.”

Representantane frå Forsvaret gav i klårtekst uttrykk for at dei  var svært så nøgde med samarbeidet med Evje & Hornnes kommune. Det er i dag ein omfattande aktivitet i feltet, utan at ein heilt fekk svar på kor mange årlege øvingsdøger det er tale om. I åra frametter vil aktiviteten halde seg omtrent på same nivået som i dag. Eit rimeleg høgt nivå.

Einskilde etterlyser nye arbeidsplassar i samband med den høge aktiviteten i skyte-og øvingsfeltet. Eit tidlegare vedtak i Heradstyret set m.a. krav om dette i samband med framtidig drift. I dag er 3 personar tilsett i skytebaneforvaltninga. Evjemannen, Reidar Haugen ( biletet) er ein av desse.

Forsvarsfolka var svært opptekne av god kommunikasjon med bygdefolk, grunneigarar og kommunale styresmakter. Dei er fullstendig klår øve støyproblematikken i samband med skytinga og vil difor avgrense dette til fatsette tidspunkt på kvardagane. Dette er eit miljøproblem som dei, etter eige utsagn, tek svært alvorleg. Informasjonen ut til publikum bør – og skal verte betre. Forsvaret vil så langt som råd handle lokalt, nytte seg av lokale tenester og så langt dei kan vere ein positiv aktør i det lokale næringsliv. Mykje er eigentleg som før – i skytefeltet som for kort tid sidan ingen hadde bruk for, og som eigentleg var heilt ubrukeleg...