Egil Bjorå på Evje:

Framleis gratis kaffe på Texaco.

Foto: moisund.com

Han er strålande nøgd med å vere sjef i eige hus. Egil Bjorå driv Texacostasjonen, eller YX som det vel heiter, på Verksmoen på Evje. Ei verksemd der kundane trivast og der omsetninga aukar kvar einaste månad.

No er det store endringer på gong når det gjeld dei ulike YX – stasjonane i Noreg. I 2006 kjøpte Reitan-gruppa Hydro Texaco., og i desse dagar er Reitan Servicehandel i ferd me å gjere om 90 av desse stasjonane til moderne gatekjøkken der du samstundes fær høve til å tanke opp bilen med diesel eller blyfri bensin. Stasjonane vert profilert under det kjende norske merkenamnet ”7 Eleven” og det er oljeselskapet Shell som skal take hand om drivstoffpumpene.

Slik vert det m.a. i Vennesla, Lyngdal, Brennåsen og på Hamresanden. Slik vert det garantert ikkje på Evje. Bjorå meiner at denne utviklinga ikkje tek omsut til korkje lokale handelsmenn eller lokale tilhøve. Ei utvikling som så avgjort ikkje passar inn i vårt lokale miljø. Egil Bjorå er glad for at han er sjef i eige hus. Han lovar framleis gratis kaffe, i blanke krus, levert øve disken på YX- Evje. Det er slik kundane vil ha det. Det er tross alt det viktigaste for ein framsynt handelsmann.