Evje Bil på Verksmoen

Terje kan det meste om bil.

Terje Uleberg he funne si nisje  i den tøffe bilbransja. Han tok til med bilverkstad i den tidlegare Statoilstasjonen for omlag 3 år sidan. I sumar kjøpte Terje bygningsmassa av oljeselskapet og er no herre i eige hus. Kundelista er lang og no om dagen er det ventetid på omlag 2 veker for å kome innanfor portane på Evje Bil. Rykta spreier seg øve heile Sørlandet. Terje er ein mekanikar i den aller øvste divisjonen. Han he mange års røynsle frå m.a. Forsvaret, Setesdal Bilruter og Gumpens Auto.

Evje Bil er ein rein mekanisk verkstad. Karosseriskader lyt andre take seg av. Sjølvsagt går det mykje i EU kontrollar, seier Uleberg som au kan merke ei sterk auke i vanleg sørvisarbeid på nye bilar. Han ser ingen grunn til at folk skal reise til ”byen” eller Arendal for å få utført slikt arbeid.

I dei mest travle periodane fær Terje god hjelp av far sin. Også han ein røynd bilmekaniker. ” Nils på Tønesland” he skrudd på bilar sidan han slapp tåteflaska. Far og son Uleberg er eit sterkt fagleg team. Du finn dei på Verksmoen der vegen svingar av til Evjemoen. Hugs å tinge time i rimeleg god tid. Fleir og fleir Sørlendinger finn vegen til Evje Bil....