Svein Salve Lislevand

Fyrste mann på Moi med optisk fiberkabel beinveges til kontorpulten.
Foto: Siri Moi – eksklusivt for moisund.com

Han slo seg kraftig opp som dagleg leiar i entrepenørselskapet ”Hiroshima Skogsdrift.” Seinare vart han henta inn som vegvoktar hjå ”Risa”. I desse dagar legg han siste hand på eit nytt kontorbygg heime på Sandbekk. Mykje papirarbeid, og ei kraftig auke i folketalet på heimebane, gjer at han no vel å gjere ein del av arbeidet frå det nye heimekontoret.

Denne veka hadde Lislevand  vitjing av firmaet ”Lister Entrepenør” som reknast for å vere dei mest vidgjetne, og røynde, når det gjeld internettoppkopling. Som fyrste mann i heile røystekrinsen he no Svein Salve fiberkabel beinveges i kontorpulten. Fantastisk og imponerande av ein mann som ikkje veit bak-fram på ein lommekalkulator. Fint skal det vere.Det skal han ha.

Kåre Eikild (t.v.) er næraste granne til galskapen. Han vil ikkje kommentere saka. Kenneth, frå Lister Entrepenør, hadde ein morosam dag på Sandbekk. Prislappen på hundrevis av meter med fiberkabel, av beste slag, vert verande ein løyndom. Så lyt ein vone at vesle Helene, i armkroken på vegvoktaren, skjøner minst mogleg av det heile.