Forureiningslova set klåre grenser

Folk vil ha hjelp til å brenne ned gamle hus og uthus.

Redaksjonen he motteke ein del kommentarar på at brannvesenet ikkje lenger vil ut å hjelpe til med å brenne ned hus, hytter og uthus. Brannsjef Jerry Remme kan forklåre dette på ein fagleg og grei måte. Det er så avgjort ikkje vrangvilje frå lokal brannfolk som ligg bak. Forureiningslova set nemleg svært klåre grenser for kva som er tillete i slike høve. Alt som er i t.d. eit bustadhus vert rekna for miljøavfall og skal såleis leverast til ein godkjend gjennvinningsstasjon.

Dersom brannvesenet skal hjelpe til med å brenne ned t.d. eit uthus så må det kunne dokumenterast at dette er noke som brannfolka he fagleg utbytte av. Til dømes trening i røykdykking. Nedbrenning av eit tomt uthus eller ein tom garasje gjev ikkje mannskapa noke fagleg utfordring og vert såleis ikkje å gjennomføre. Dersom brannsjefen finn ut at dei kan vere med på ei slik øving så er prislappen kr 25 000 for eit bustadhus og rundt 20 000 kroner for ei hytte. Utedassen medrekna.