Line Vennesland og Kjell Ingolf Ropstad

Med stø kurs mot Løvebakken

                         Line Vennesland (AP)                                          Kjell Ingolf Ropstad (Krf)
                          Foto: NRK                                          Foto: Dagbladet           

 

Dei er unge og dei er lovande. Båe er fødd og oppvaksen på Moi. Dei vaks opp berre eit steinkast frå kvarandre og gjekk i hop på både sundagskulen og folkeskulen. Mykje tyder no på at Line og Kjell Ingolf kan få kontor jamsides på Stortinget frå hausten 2009. Dei er båe på full fart inn i rikspolitikken. Fyrst skal me sjølvsagt gjennom ein lang og tøff valkamp og lite er avgjort før dei siste røystesetlane er opptalde. Line må kjempe om andreplassen på lista til Arbeiderpartiet. Noverande stortingsrepresentant Inger Løite tek ikkje attval. Mykje taler for at den umåteleg flinke Moijenta fær den plassen. Unge og lovande Ropstad er av mange utnemnd til sjølvaste kronprinsen hjå Kristelegdemokratane. Eit politisk talent som m.a. stend svært sterkt hjå ungdomen. Dersom våre spådomar er rette vil Moisund verte representert med to delegatar i Riksforsamlinga i peroden 2009 – 2013. Då skal moisund.com søkje om pressestøtte og vil sjølvsagt tilsetje eigen politisk skrivar i hovudstaden. Me gler oss til valet i September. Eit historisk val for den vesle grenda med 192 røysteføre personar, eit nedlagt Samyrkjelag, ein nedlagt borneskule og ein fullt oppegåande sundagskule.