”Road Runners” frå Evje og Hornnes
Ventar 3000 mennesk til pinsetreff på
Evjemoen.
Gro Uldal er leiar i motorsykkelklubben
Road Runners og styremedlem i Norsk Motorsykkelunion, avd Aust Agder.
Nyleg var ho saman med resten av ”Agderbenken” tilstades på årsmøtet til
Norsk Motorsykkelunion i Bodø. Hovudoppgåva deira var å presentere
opplegget for ”Norgestreffet” 2009. Det er like greit at du no med det
same merkjer deg datoen. Frå 28. – 31.mai, midt i sjølve Pinsehøgtida,
er det venta meir enn 3000 mennesk til bygda. Omtrent like mange
motorsyklar. Åstaden vert Nordre Leir på Evjemoen. Eit område som er som
skapt for slik tidtrøyte.
Agderbenken: f.v. Jeanne Andersen, Arnfinn Schøelberg, Kristian Vehus og
Gro Uldal.
Tilbakemeldingane frå årsmøtet i Bodø
var samrøystes positive. Det er sjeldan eit arrangement er så godt
planlagt så lang tid i førevegen. Gro Uldal leverte ei marknadsføring av
bygda som er gull verd for både lokale kjøpmenn, ølhandlarar,
øvenåttingsverksemder og det lokale næringsliv i sin heilskap. Ikkje
alle vil bu i telt og det vert såleis kamp om sengeplassane både på
Odden Camping, Evje Park og på dei ulike tilboda inne på sjølve
Evjemoen. Tilbakemeldingar så langt tyder på at mange alt he tinga seg
plass for Pinsehelga neste år.
Hjå Viking Adventure er det husrom til
omlag 60 personar. I dette området er det lagt opp til familiecamping og
tilhøyrande aktivitetar for både born og vaksne.
Det er ein røynd gjeng, ungdom i sin
beste alder, som sit i hovudstyret for Norgestreffet 2009. Heile moroa
kviler på hørene til Åse Uleberg frå Fennefoss. Kjend frå radio og
fjernsyn. Eit rivjern som veit kor skåpet skal – og må stå. Med seg på
laget he ho Ola Nykland, Nils J. Heyerdal, Gro Uldal, Sigbjørn Hægeland,
Per V. Pettersen, Kristian Vehus og Pieter Ghering. Det vert truleg ei
livleg pinsehelg på ”stripa” på Evje neste år. Hjarteleg velkomne skal
Dykk vere, alle i hop.
3000 motorsyklar krev sin plass. Inne på
leirområdet vert det høvelege parkeringsplassar og oppstillingsplassar
for folk sok kjem på to hjul. Dei som vågar seg i nærleiken av campen
med bil må pårekne langt kleinare handsaming. Ola Nykland he ansvar for
parkeringstilhøva. I desse dagar prøver han ut eit eige system for
handsaming av bilar og campingvogner.
På Evjemoen vert det aktivitetar for born og vaksne i alle aldre.
Sjå meir på:
http://nmcu.org
http://www.rrmc.no
