Festen er snart øve

Fire dagar, kveldar og netter med festival gjeng mot ein slutt. Det he vore arbeidsøkter på opp til 15 timar. Sterke inntrykk. Mykje moro. Lærerikt og til tider ein kamp mot naturkreftene. Moisund.com he med fullt overlegg fokusert mest på folka ”bak” festivalen. Slitarane, dugnadsgjengem og artistane som ennå he eit bel att til dei vert å finne på VG lista.. Dei meir kjende artistane let me gå i fred. Andre, store bladstover lyt take seg av slikt. Me he etter beste evne freista å skildre noke av stemninga her oppe i bygda. Bygda med 7 innbyggjarar og ei veldressert bikkje. Bygda der heile 6 av dei 7 fastbuande ynskjer festivalfolket hjarteleg velkomne attende neste år. Sjølvsagt he me fokusert på det positive. På det gode humøret, den gode stemninga og alle dei gilde folka me he møtt. Sjølvsagt er det eit og anna som festivalleiinga kunne ha vore forutan. Me let det liggje på harddisken. Festival skal vere moro – og det he det sanneleg vore.

Nett no sviv Bjarne Brøndbo rundt i redaksjonen. Framføre han ligg ein konsert og eit sceneshow som berre gjengen frå Namsos kan prestere. Utanfor glaset strøymer folk til i hopetal. Fleire tusen kjem til å stemme i når D.D.E dreg i gong med ”Vinsjan på kaia” eller ” Her blir det liv..”  Bjarne veit alt om detta. Ein røynd mann. Roleg, smilande og avslappa. Ikkje meir nervøs enn når ein Honndøl i 50 åra gjer seg klår for morgontoalettet. Slik er artistlivet. Slik er journalistyrket. Me vonar Dykk he hatt nokre gilde stunder i hop med moisund.com – frå Eikerapen. Me gjer det på vår eigen måte. Som vanleg.

Redaksjon: Øystein Moi og Odd Helge Liestøl